Aganachim na'a,
Pangnan kasagrikna;
Indioba da'o mai ongaha.
Sajaba tengjajok, aramrang simbajok;
Agilsako mai angko:
Watanga!.....
Dongna nangjok da'o na'a gri a'sako;
Nangjok anga tangna duk ong'ao:
Be'gimin ang'katong bonkamjok ang'rasong;
An'ching kumitcheta kattarang:
Gimaha!....
Indioba ang'a nang'na salantin simbra'a;
Apsan ongna an'ching kadonga ang'gisik;
Da'alo!.....
Sikdikdik giseopo sadika ka'tongo;
Mikchi gape nangna kapakronga:
Kusinin dongjajok chanchinan changjajok;
Na'a gri asako tangna:
Manjaha!......
Waloba tunapja salo dongsiksaka;
Bachinasa na'a re'angaha;
Saksan angko gale gimangjok tarake;
An'ching ka'sagrikani salrang:
Bonaha!.....
Indioba ang'a nangn'na salantin simbra'a;
Apsan ongna an'ching ka'donga ang'gisik:
Da'alo!......
Mantaijajok da'o nang'kasa gitako;
Sakgipinko ang'a sandioba:
Agilsak andaljok aramrang simdapjok;
Maina na'an ang'ming baksa:
Dongjaha!......
Gisik katong mana nang'ko grongtaipilna;
Mikjumanga saksan nang'bimangko;
Ang'oni cheloba dong'engama na'a;
Nangchi angni re'angako:
Rimchaksona!....
Indioba maina na'a ang'ko watangaha;
Namjajok ang'rasong bemangjok ang'katong;
Da'alo!.........