Max Surban Unang Pagtan-aw sa sine lyrics

Sa unang pagtan-aw ko'g sine
Ako na-ignorante kay unsingalan ba kadto
Mangitngit man bisa'g udto
Ako kalit na tingala niadtong salidaha
Kay didto sa telon haskang daghana gyung letra
Unya mitungha si guapo milukso sa dakung bato
Puerti ko gyud nga kulba-a kay milanit sa pistola
Unsa'y naka-on sa buang nga kami may giatubang
Iyang duha ka pistola ako maoy giti-onan
Girakrakan kaming tanan sunod sunod daw masinggan
Nahadlok ko nga ma-igo mikober ko's lingkuranan
Nangabot kadtong mga indiyan nagpabuto silang tanan
Mi-abog kadtong ilang dalan mga kabayo nagdagan
Gipusil nila gustong patyon ang kawboy'ng bungoton

Misamot ako'g kamang kay simbako'g hitapsingan
Paghunong sa buto-buto mituyhakaw ako
Na-ulaw lang tawon ko kay gitan-aw ko's mga tawo
Dunay train nagadagan diri kanamo patubang
Mikurog ko sa kalisang basig ako hidam-agan
Mikawas ko sa lingkuranan mopa-uli na lang
Nangita ako sa pultahan kasilyas na sudlan
Kasinggiton ako'g tabang kay ang train du-ol nalang
Bahala'g nagsukarap mikaratil ako'g dagan
Unang pagtan-aw ko'g sine di ko hikalimtan