Nino D'Angelo
Miscellaneous
Canzona Bella
Vuje ca d''e bbelle la cchiù bella site,
veniteve a affacciá for''o balcone...
scetáteve nu poco, nun durmite:
sentite quant'è doce 'sta canzone.
Chesta canzone ca io stó' cantanno,
è tutta sentimento e 'spressione
che vène da nu core 'e passione...
stu core ca, pe' vuje, soffre 'a n'anno!
Vurria addeventá chistu cuscino,
addó' 'sta faccia 'e rose vuje appujate...
Sul'accussà ve venarrÃa vicino
e vasarrÃa sti ttrezze avvellutate.
Bella, ca d''e bellizze ca tenite,
facite 'mmiria a 'e stelle 'e 'mmiez'ô cielo
P''o scuorno, 'a luna giá s'ha miso 'o velo
pecché cchiù bella d'essa vuje parite.
Tutte sti rrose 'e for'a 'sta fenesta,
aspettano ca forse v'affacciate...
Ve stanno priparanno giá na festa
pe' quanno vuje, da 'o suonno, ve scetate!
E si stu suonno, a vuje, ve dá arricietto,
pe' me, 'o suonno, nun esiste maje...
Mme diceno 'e llenzole 'e dint''o lietto:
"Si vène nénna toja, durmarraje!..."